საქართველოს ამერიკანიზაცია უნდა დამთავრდეს!
საქართველოს მრავალსაუკუნოვან ისტორიას ახსოვს არაბობა, დიდი თურქობა, ყიზილბაშობა თუ ოსმალობა, რამაც საქართველო მიწასთან გაასწორა და უდიდესი ზიანი მოგვაყენა. საქართველოს ისიც ახსოვს, რომ დასავლეთ საქართველოში გადაგვარებული თავადები თურქეთის აგენტებთან ერთად ყოველწლიურად ათასობით ქართველს იტაცებდნენ და თურქეთის ბაზარზე ყიდდნენ. ამ მავნებლობას დიდმა ერეკლემ და დიდი რუსეთის კეთილმა ნებამ წერტილი დაუსვა, მაგრამ ქართულ სინამდვილეში ტერმინი – რუსიანობა ვერ დამკვიდრდა. სამაგიეროდ ფესვი გაიდგა ცნებამ – ამერიკულობა, რომელიც თავის თავში გულისხმობს აშშ-ს მიერ ქართული ცხოვრების წესის, ტრადიციების, ზნეობისა და მორალის, მართლმადიდებლობის წარწყმედასა და გაბიაბრუებას. «ნებისმიერი სახელმწიფოს დაპყრობა უპრობლემოდ შეიძლება, თუ ჩვენ მისი საზოგადოების ცნობიერებას ხელთ ვიგდებთ და მართულს გავხდით» – ეს სიტყვები ბრიტანელ მწერალს – ჰერბერთ უელსს ეკუთვნის.
დიახ, ცნობიერების გარდაქმნა სიბნელისა და უბედურების ის ფუნდამენტია, რომელიც დღევანდელ საქართველოს უტევს. შეტევა მიდის ქრისტიანულ მორალზე, რომლის უარყოფამ დალესის უბინძურეს დოქტრინამდე მიგვიყვანა, ხოლო ადამიანები იქცნენ ერთგვარ პიგმეებად, რომელთაც ჰგონიათ, რომ ის ამორალური წუმპე, რომელშიც არსებობენ, ცხოვრების ნორმაა და ასეც უნდა იყოს. ამერიკელების მიერ წახალისებული და დაფინანსებულია სხვადასხვა სექტები, რომელნიც სწორედ ქართველობას, ეროვნულობას ებრძვიან საქართველოში. ამასთანავე, ქართველი ვალდებული გახადეს სამხედრო ბეგარა გადაიხადოს და ამერიკული იმპერიალიზმის მიერ მსოფლიოს სხვადასხვა კუთხეში წარმოებულ ომებში მიიღოს მონაწილეობა.
არჩევნები უნდა ჩაატარონ ამერიკის მიერ გადაბირებულმა და დაფინანსებულმა სულწაწყმედილთა კასტამ – კოლექტიურმა ბოკერიებმა და უსუფაშვილებმა, ხოლო შედეგებს ამერიკის ადმინისტრაციის წარმომადგენლობა დაამოწმებს. ცხადია, შედეგი იქნება ის, რაც უნდა ამერიკას და არ უნდა ქართველ ხალხს. ქართველები, ასევე, ვალდებულნი არიან რუსეთთან მიმართებაში მუდმივად სადგისის როლი შეასრულონ და თუ საჭირო გახდა კიდეც შეეწირონ ამერიკის ინტერესებს. თურმე ჩვენ ვალდებულნი ვართ ავიტანოთ ამერიკელთა ჯაშუშების მიერ ჭკუის სწავლება, შეურაცხყოფა, ქართული ტრადიციების შელახვა, რაც გამოიხატება მეტრაკეთა პარადების გამართვით, შარვალჩახდილთა წაკუზვასა და სხვა არაერთ უზნეობაში.
ამერიკანიზაცია საქართველოში უკვე 30 წელია გრძელდება, რამაც დიდი ზიანი მოუტანა საქართველოს. სწორედ მსგავს შემთხვევას გულისხმობს დიდი ილია, რომელიც გვაფრთხილებს: „ხმლით მოსულმა ვერა დაგვაკლო რა, ცოდნითა და ხერხით მოსული თან გაგვიტანს, ფეხქვეშიდან მიწას გამოგვაცლის, სახელს გაგვიქრობს, გაგვწყვეტს, სახსენებელი ქართველისა ამოიკვეთება და ჩვენს მშვენიერ ქვეყანას, როგორც უპატრონო საყდარს სხვანი დაეპატრონებიან. ცოდვა არ არის, ეს ერი მოსწყდეს, ეს ლომი კოღომ საბუდარად გაიხადოს, მელა-ტურამ გამოღრღნას როგორც მძოვრი, რად? რისთვის?“
დღეს საქართველოში ჩვენი მთავარი ღირებულებები – „ენა, მამული, სარწმუნოება“ რაღაც წარსულის გადმონაშთად იქცა. ე.წ. პოლიტიკოსები მამულს გვიყიდიან, სარწმუნოებას გვიგინებენ და ენაც დაამცირეს. მაგალითად, თბილისის სახელმწიფო უნივერსიტეტში სადოქტორო დისერტაციას ვერ დაიცავ, თუ სამეცნიერო ნაშრომი ინგლისურ ენაზე არ გაქვს გამოქვეყნებული. საბჭოთა სისტემის პირობებში კი ნადირობა მიდიოდა უცხო ენაზე არსებულ წარწერებზეც კი ქუჩებში, რომელსაც ქართული წარწერებით ვანაცვლებდით.
ევროპა და ამერიკა მსოფლიოში ფაშიზმის მხარდაჭერას და პროპაგანდას ეწევა. ამასთანავე დევნის რუსი ეროვნების ადამიანებს და რუსულ ბიზნესს, რაც კაცობრიობას ატომური ომის საფრთხის წინაშე აყენებს. საქართველოს მოსახლეობის მნიშვნელოვანი ნაწილი იმ ილუზიებში ცხოვრობს, რამაც ქვეყანა სიბინძურით მოწამლა. ეს საზოგადოება არ უნდა იქცეს ბრმა იარაღად იმ არსებების ხელში, ვისაც მათი გამოყენება უნდა თავისი მიზნებისათვის.
საქართველოს დიდი პრობლემა აქვს, როცა „ლგბტ“ დროშას პოლიცია იცავს დასავლეთის მოთხოვნით, ხოლო თამარ მეფეს პრეზერვატივზე ახატავენ. შეიქმნა ეგზალტირებული მასა, რომლისგანაც გამოძერწეს ლიბერალი, რომელსაც, თურმე, ევროპას აკარგვინებენ. სად არის პატრიოტული სული? ომის წლებში სტალინის დავალებით გადაიღეს ფილმი – „გიორგი სააკაძე“, რადგან საბჭოთა იმპერიას გმირული სულის ასაგიზგიზებლად იდეოლოგიური ნაპერწკალი სჭირდებოდა საბჭოთა ხალხების საბრძოლო სულისკვეთების გასაძლიერებლად. ისტორიული მტრის – შაჰ-აბასის მხეცობებიც კი მკრთალად მოჩანს იმასთან შედარებით, რასაც ჰიტლერელები სჩადიოდნენ ოკუპირებულ რაიონებში, მაგრამ ფაშიზმსაც დიდმა რუსმა ერმა სტალინის მეთაურობით დაუსვა წერტილი ევროპასა და კავკასიაში.
დღევანდელ საქართველოს ცნობიერების განადგურებისაკენ უბიძგებს მეგობრის ნიღბით მოსული მტერი. მათი მიზანია – საქართველო უქართველებოდ. ეროვნული იდეების ნაცვლად გახრწნა-გადაგვარებისკენ გვიბიძგებენ, რაც შაჰ-აბასის ეპოქაზე უარესი მტრობაა.
ტვინგაყინულ ქართველებს, რომელნიც რუსეთის დანგრევაზე ოცნებობენ, შევახსენებ – ვინ დაიკავებს მართლმადიდებელი რუსეთის ადგილს? ქართველი ვერ შეაჩერებს ჩრდილოკავკასიელ ველურებს, ასევე გზა გაეხსნება დიდი თურანის იდეას საქართველოში და ერდოღანის ოცნება ასრულდება.
არსებობენ დეგენერატებიც, რომელნიც აცხადებენ: ყველაფერი უნდა დავანგრიოთ, რაც საბჭოთა სისტემამ შექმნა, ჩვენ რუსეთი გვძულს და სსრკ-სთან არანაირი შეხება არ გვქონიაო. განა ვინ რა შექმნა სსრკ-ს დაშლის შემდგომ? სახლებიც კი იმ პერიოდში აშენდა და დღემდე რუსეთიდან შემოტანილ ხორბალს მივირთმევთ. ვის დარჩება საქართველო ურუსეთო მსოფლიოში? – მგელს, მელას და ტურას. დღეს საქართველოში „რუსეთუმეობა“ სამარცხვინოდ მიიჩნევა, ხოლო „ლგბტ“ პრაიდი ღირსების მარშია. სწორედ ამ ცნობიერების არსებამ – ქალაქის მერმა მიანიჭა ვიღაც ჭუჭუკელაზე გათხოვილ ჰომოსექსუალ დიზაინერს – დემნა გვასალიას საპატიო თბილისელის წოდება და ღირსეული ადამიანების გვერდით მიუჩინა ადგილი.
„ბოროტი ხმები“ ამბობენ, მალე ვარსკვლავსაც გაუხსნიანო. ვისთან, რაც ცნობიერების ადამიანთან ასოცირდება დღეს ქართველი? იყო დრო, როცა ქართველები სტალინთან ასოცირდებოდნენ და დიდ სიყვარულს იღებდნენ გარშემომყოფთაგან. იმ წლებს ვიხსენებ, როცა უნივერსიტეტიდან სტუდენტები შუა აზიაში მიგვავლინეს და ბუხარა-სამარყანდში აღმოსავლურ ღირებულებებს ვეცნობოდით. ქუჩებში მოსახლეობა ჯგუფ-ჯგუფად უკან დაგვდევდა შეძახილებით: სტალინ! სტალინ! დღეს საქართველოს ხელისუფლება ჩოქბჯენში უდგას ამერიკას და გამაღიზიანებელ განცხადებებს აკეთებს, რის შედეგადაც შეიძლება მივიღოთ აფხაზეთის შეერთება რუსეთთან. „ჩვენ კონსტიტუციაში გვიწერია ნატო-ევროკავშირი და ამას ვერავინ ვერ შეცვლის“ – ამაყად აცხადებს პრემიერი.
– ჩვენ შევცვლით პრემიერო! ის ქართველები შევცვლით, რომელთაც არც ევროპელობა გვინდა და რუს ერს, დიდ რუსეთსა და მის პრეზიდენტს კეთილგანწყობას ვუცხადებთ. ჩვენ შევცვლით და ლიბერალიზმი თქვენი ჩათვლით პოლიტიკური სივრციდან გაქრება. ასე გამოვხატავთ ჩვენი სამშობლოს – საქართველოს სიყვარულს. ეს ყველა ჭეშმარიტი ქართველის ვალდებულებაა. ვისაც ევროპა გინდათ, მათთვისაც მაქვს შეთავაზება: ხელი ჩაკიდეთ ბაიდენს ერთ უხერხულ ადგილზე, სადაც თავის ქალიშვილს ბანაობის დროს ხელს აკიდებინებდა და გამოხატვის თავისუფლებასთან ერთად გზა მშვიდობისა დემოტრაკიული ევროპისაკენ!!!
ყველამ ნახა ფეისბუქში ბაიდენის აგრესიული გამოსვლა სერბი ხალხის წინააღმდეგ. ეს ცოფიანი ვირთხა კანიბალიზმზეც უარს არ იტყვის. მისი შვილიც მასშტაბურ თაღლითობაში მონაწილეობს და სრულად აკონტროლებს დასავლეთის მიერ უკრაინისთვის მიცემულ მატერიალურ რესურსს.
ჩვენ უნდა ავირიდოთ დასავლეთის მავნებლური პოლიტიკა და ხელისუფლებამ ამერიკის ელჩს პირდაპირ და შეუნიღბავად უნდა უთხრას სათქმელი. სანაცვლოდ რა ხდება? მოღალატე ხელისუფლება სხვადასხვა ობიექტებს, ტერიტორიებს გვიყიდის და ინვესტიციით ნიღბავს. ასეთი პოტენციალის მქონე ქვეყანა, როგორიც საქართველოა, თავზე გვენგრევა, რადგან მოღალატეობრივი დამოკიდებულება აქვთ ქვეყნის მიმართ. ბოლო პერიოდში გააქტიურდნენ არაბები და კასპის რაიონის სოფ. წინარეხში ეგვიპტური კომპანიის მიერ მშენებლობები მიმდინარეობს. გამგებელმა მოტყუებით მოაწერინა ხელი სოფლის მოსახლეობას (ესტატე აბულაძე) ტერიტორიების გაყიდვის ხელშეკრულებაზე. სასოფლო-სამეურნეო მიწებს თვალთმაქცური გარიგებებით არასასოფლო-სამეურნეო მიწების სტატუსს აძლევენ ყაჩაღური ბანდები და სამშობლოს ასე გვაკაარგვინებენ. დიახ, ბიზნესისა და ინვესტიციების ხელშეწყობის მიზნით 120.000 ჰექტარია გაყიდული, რაც დემოგრაფიული კატასტროფის წინაშე აყენებს ქვეყანას.
იყო დრო, საქართველოს ჰყავდა მამულიშვილები, ახლა ჰყავს ვირიშვილები,რომლებიც კვლავ რუსეთის ოკუპაციაზე საუბრობენ და ამასობაში 10525 უცხოელი საქართველოს მოქალაქე გახდა. როგორ გაჩდნენ საქართველოში ასეთი მავნებლები? ეს პირქვემოხნულთა ბანდაა, რომელთა მამები დემოტრაკიულმა ამერიკელებმა წაკუზეს, და შედეგიც სახეზეა – იშვა ნაბიჭვარი. კოლექტიური დასავლეთი სრულ აბსურდამდე მივიდა, როცა შექსპირის „რომეო და ჯულიეტა“ 2 კაცის მონაწილეობით განასახიერა. შექსპირი, რომელიც სისტემას უპირისპირდებოდა და თავის 66-ე სონეტში სიკვდილს ნატრობდა, ცოცხალი რომ იყოს, ამ სპექტაკლის შემდეგ სუიციდით დაამთავრებდა სიცოცხლეს – ეს სრული გადაგვარებაა.
ამასობაში აღმოსავლეთი ერთიანდება. ჩინეთი და რუსეთი სამხედრო თანამშრომლობის გაღრმავებაზე ზრუნავენ და საერთო წვრთნების ჩატარებას გეგმავენ. რუსეთმა არაერთხელ შესთავაზა დასავლეთს: – „მოდით, მეგობრულად ვიცხოვროთ“.
პუტინი მზად იყო მასთან თანამშრომლობისათვის, მაგრამ აღვირახსნილი, გაბოროტებული დასავლეთი ჯიუტად ცდილობს რუსეთის დაჩოქებას. პუტინმა განუმარტა მათ, რომ არავითარ შემთხვევაში არ გადადგამს იმ მოღალატეობრივ ნაბიჯს, რაც გორბაჩოვ-ელცინმა გადადგეს. რუსეთს მოთმინების მაღალი კოეფიციენტი აქვს, მაგრამ მასთან ტერორიზმის ენით ლაპარაკი შეუძლებელია (კრეისერ „ავრორას“ აფეთქება, ჩრდილოეთ ნაკადი 2-ის მილების და ყირიმის ხიდის აფეთქება). პუტინმა განაცხადა, რომ ამ ყოველივეს უპასუხოდ არ დატოვებს. მას არ გაუჭირდება ბრძოლა იმ არსებებთან, რომელთაც ყოველგვარი ადამიანურობა დაკარგული აქვთ და იგივეს ცდილობენ სხვა ქვეყნებთან მიმართებაშიც. დიახ, მოვიდა დრო, როცა მზე აღმოსავლეთიდან ამოვა! ევრაზიული სივრცე საქართველოსთვის იდეალურია და ამ სივრცეში მისი ადგილი რუსეთის გვერდითაა!
რუსეთს 2 გზა აქვს – გზა ნიკოლოზ მეორისა და გზა – სტალინისა. რუსეთს სტალინის გზა გადაარჩენს და მასთან ერთად საქართველოსაც.
P.S. დასავლეთის პოლიტიკისგან განსხვავებით, უზომოდ მიყვარს დასავლეთის მწერლობა. გთავაზობთ გერმანელი პოეტის – ჰ. ჰაინეს ლექსს მცირე პერიფრაზით:
„როგორ სამშობლოს ისურვებდი? – როგორიცა მაქვს,
მცირედით ბევრი მბოძებია.
ზღვის პირს ნიჟარებს ვეძიებდი მე,
დავიხარე და მარგალიტი კი შემრჩა ხელში.
დაე, დარჩეს ჩემს მკერდზე იგი!“
დიახ, საქართველო ის მარგალიტია, რომელსაც გულიდან ვერასდროს მოიგლეჯ!
18 ოქტომბერი 2022წ.
იზა თამაზაშვილი
593 90 55 07